Roche Bernarde

Il cuel dulà che e fo fate sù Fuartece Bernarde al veve non Açan par antîc, salacor dal non di un colon roman (Azi). Feut dal patriarcjât aquileiês, al fo daspò regalât ae comunitât di Cividât che tal secul XV lu lassà ae famee di origjin romane Capiferro, che la ultime dissendente, Pantasilee, femine di Jacum Voleson di Manià che al jere di un ram dai sovrans di Manià che par rasons ereditariis al veve cjapât il cognon Voleson, lu puartà inte famee dal om. In gracie di Ipolit Voleson e di so fi Bernart, sul çuc e fo fate sù la residence fortificade, finide tal 1567, che e cjapà apont il non di Bernart. Daspò, la fuartece e passà ai conts Riccati di Castelfranco Veneto e in fin, dopo altris parons, ai Perusini. Cuant che al murì, tal 1977, il storic furlan Gaetano Perusini le lassà al Sovran Militâr Ordin di Malte. Il complès, di grande bielece e di concezion tipiche dal Cinccent, al è dentri intun grant parc che al va jù pes clevis dal cuel e che si slargje ator di un piçul e sempliç zardin talian.