Breçà Disot

Al è a pôcs centenârs di metris in linie di aiar dal cjistiel di Braçà disore e fintremai sul tacâ dal  secul XV al fo di un ram de stesse famee. Passât ai sovrans di Arcjan-Morùs, tal 1443 al fo infeudât ai sovrans di Savorgnan-Cergneu-Breçà che za a vevin otignût la investidure de fuartece disore. Inte storie dal cjistiel si à indiment l’assedi patît par man di Rizzardo da Camino tal 1309, finît cul incendi e cul sac, cundut che il sît al ves une impuartante protezion naturâl tal grant palût, bonificât dome daspò, che si slargjave fintremai al antîc borc fortificât di Sante Margarite dal Gruagn, logât sul çuc di front. Dal complès origjinâl a restin ancjemò la torate mestre, la restaurade gleseute cjistielane di Sant Andree dal secul XIV e cualchi rustic, mentri che si vualmin a pene lis centis muradis che a vevin di cercenâ une zone avonde largje. Pôc disore si cjate la grande vile fate sù daspò dai Savorgnan di Braçà, cun ator un grant zardin.