Castello di Susans (Majano)

Salacor sede di un catrum roman e daspò fuartece medievâl strategjiche, il cjistiel di Susans al è nomenât pe prime volte tal 1031 tant che "vile de Suzan". Za sot de Glesie di Aquilee, il feut al ven assegnât tal 1275 a Tomâs di Sant Denêl. Tal 1304 il cjistiel al è slargjât e infuarcît in gracie dai gnûfs proprietaris Fidrì e Ascuin di Var che si messedin par "alçâ il cjistiel intune forme plui largje e plui biele". Cjapât dentri in cetantis vicendis di vuere, la fuartece e passe dai Var Pêrs ai sovrans di Colorêt Mels. Plui voltis sdrumât e tornât a fâ sù, il cjistiel al fo edificât plui o mancul intes formis che al à cumò, intun sît diviers di chel indulà che e jere logade prime la fuartece medievâl, inte seconde metât dal secul XVII dal cont Fabrizi di Colorêt Mels, marchês di Sante Sofie, priôr dal ordin di Sant Stiefin in Lunigiana e maiordom maiôr de cort di Toscane. Il cont al volè il cjistiel come une abitance elegante no disseparade dal contest de tradizion architetoniche de cort granducâl dai Medici, indulà che al jere cressût e che al operave.