Zeà

Documentât za dal 1174 cuant che, pe prime volte, o cjatìn citât Heidenrico di Zelaco, il cjistiel al nassè su lis fondis di une costruzion viere fate par vuardeâ la Vie Auguste. Dal 1203 il feut al jere za sot dai siôrs di Zeà ancje se il prin at di investidure cognossût, dal patriarcje di Aquilee Gregori di Montelongo, al è dal 1252. Po la famee dai Zeà e cuistà impuartance fin che e rivà a jentrâ tes fameis rapresentadis tal parlament furlan. Par vê fat i jude, ai Zeà ur forin gjavâts titui, onôrs e proprietâts, dopo che il patriarcje, par svindic, al veve cjapât e sdrumât il cjistiel. Dome dal 1373 Rizzardo di Zeà al tornave a vê il cjistiel, cuistant dai Savorgnans, che intant a vevin cjapât il feut, i dirits di une volte. Finide la famee dal 1477, cun Boem di Zeà, il feut lu cjapà Nicolò Savorgnan che lu vendè a Denêl Cos; cheste famee, po, lu tignì par secui.