Fontanebuine

Il non si riferìs ae fontane ancjemò vive che e spissule inte plaçute dal paîs, dulà che cumò e je logade une vere di poç. Lis origjins dal cjistiel a son vadì dal secul X e za tal 1196 al è nomenât  Conrât di Guttenbrunnen (Fontanebuine).  La famee feudatarie e finì cence erêts tal 1587 e tal 1610 il feut al fo cuistât dal gardenâl Francesc Mantiche, di une antighe famee origjinarie di Como e fi di Fontane di Fontanebuine, innomenât jurist che tal 1605 al fo li li par deventâ pontefiç. Ai Mantiche ur restà fin al 1819, passant daspò, par dissendence femenine, a diviersis fameis, fin cuant che, tal 1969, dut il complès al fo lassât di Raimont Capsoni de Rinoldi, ae Regjon Friûl - Vignesie Julie. Il cjistiel, logât in posizion dominante su la valade dal Cormôr, si presente cuntun toc a nord che al fâs part des antighis struturis medievâls, colegât cul sclet edifici centrâl dal tart Sietcent cun da pît la capele, e cercenât tor ator di un grant parc siôr di plantis secolârs e raris.