Palazzo Fortificato di Domanins

Salacor, il palaç fortificât al è de seconde metât dal secul XIV, cuant che Vualtîr Pertolt di Spilimberc al dividè i bens de sô cjasade fra trê siei nevôts e al inmaneà cussì i nuclis familiârs dai Spilimberc-Trus, Spilimberc-Domanins e Spilimberc-Solomberc. La fisionomie dal tart Tresinte di chest palaç, frescjât par dentri di Borsatti e di Canal tal 1803, no je evidente inte struture di cumò, che e je il prodot des ristruturazions dal tart Sietcent. L'edifici, logât intune borgade antighe dongje di Sant Zorç de Richinvelde, al mostre cualchi particolaritât architetoniche tipiche di une cjase fuarte. Al è di fat caraterizât di mûrs une vore grues e al è definît di dôs toratis di cjanton  in bande de façade bande misdì, suturne cul so portâl une vore sempliç e disfurnît, e la cu la schirie di barcons une vore sempliçs ancje chei intai trê plans dal edifici. Il studiôs Ferruccio Carreri lu definì un "cjistiel" e "palaç fortificât", rimarcant che si jere usâts dispès a fuarteçâ i edificis des cjasadis impuartantis daûr des necessitâts reâls di difese.