Monfalcon

"Monfalcon Comunitât, che prime i disevin Verrucchia, metude adun di Teodorì re dai Gôts, e je logade viers la marine e la mont. Di soreli jevât e à la Fuartece sore un cuel fûr de Tiere, e e confine cul Cjars"; cussì il storic Jaroni di Purcie al piturave tal an 1567 il  cjistiel e il  borc. Za sît di un cjistielîr, po rondele romane che e vuardeave la Vie Gjemine che di Aquilee e menave a Triest, il sît al fo dal sigûr sede di une fuartece vie pal ream di Teodorì. Puest difensîf dal patriarcjât di Aquilee viers la contee di Duin, il cjistiel al fo sedi ogjet di contrast tra il patriarcje e il cont di Gurize, sedi feut dal libar comun titolâr di "vôs" tal Parlament de Patrie. Rindude ai 14 di Lui dal 1420 aes trupis dal dôs Tommaso Mocenigo, la fuartece e deventà daspò un pont strategjic impuartant pe difese dal stât di tiere venit cuintri dal cont di Gurize e de Cjase di Austrie e baluart cuintri dai Turcs, tant che si mertà il non di "voli de Patrie dal Friûl". Sot dal Imperi dal 1797, e fo cjapade des trupis talianis ai 9 di Jugn dal 1915.