Monrupin

Inte lenghe slovene si clame Repentabor, o ben "roche fortificade". Salacor al fo fat sù sui rescj di un cjistielîr preistoric e di in chê volte al fo abitât cence sospension fin in dì di vuê. Par vie de sô posizion strategjiche simpri rilevante, il sît al fo ancjemò plui fortificât in ete romane e vie pe Ete di Mieç, di mût che al rapresentà un pont di riferiment difensîf impuartant prime pai Romans, dopo  pai Avars, e par ultin pai Slovens. Il borc al è costituît in dì di vuê di un piçul grup di costruzions carsichis metudis dongje di une bande dal plaçâl, che lis primis notiziis documentadis rivadis fin a nô a son dal secul XII. Za part ad in plen prime des difesis patriarcjâls e daspò di chês imperiâls, tal secul XVI, stant che al jere passât il pericul des scorsizadis turchis, Monrupin al pierdè lis sôs specificitâts strategjichis a pro di chês leadis al cult marian. Al fo alore fat sù su lis ruvinis di une gleseute dal secul X il santuari presint che, in plui de glesie, al cjape dentri vuê ancje l'antîc municipi medievâl e un piçul grup di cjasis di piere grese.