Partistagn

Il sît al è nomenât de fin dal secul XI ma al è sigûr che fintremai de romanitât al des acet a une opare armade di une cierte impuartance, par vie de presince di un val di protezion, di une torate di piere (che par dentri si rigjavà daspò la cube pe gleseute cjistielane) e di une cistierne par la aghe, dutis oparis di chel periodi. Tignût fin dal secul XIII di un ram dai sovrans di Cucagne cjamerârs dal patriarcjât, il cjistiel al veve funzion di control su la strade che de antichitât fin in ete medievâl e passave parsot, cometint Cividât e Glemone, centris militârs e comerciâi impuartants. La fuartece, che si rive passant fûr pal troi dal Sîscent, si presente avonde articolade, massime daspò i lavôrs resints par netâle e restaurâle, e e cjape dentri l’antîc turion, il palaç plui resint cuntune biele schirie di biforis, e la gleseute di Sant Svualt, cul afresc magnific di scuele bolognese che al piture Crist Pantocrat cui dodis apuestui, une des testemoneancis di art plui impuartantis dal Friûl.