Tumieç
Za dal 1258 Tumieç al veve une cierte autonomie se il patriarcje Gregori di Montelongo al concedeve ae citadine il privileç di fâ marcjât. Il svilup de citât al puartà a fâ un sît fuarteçât par difindi il teritori, une cortine che e cenglave dut il borc, ae nassite di un arenc e di un consei e ae nomine dal gastalt. Ancje il patriarcje Raimont Torian al fasè concessions, ancje se al gjavà vantaçs in gracie dal apalt de mude.
Ancje par chest, za dal XIII secul, Tumieç al jere un dai centris principâi de Cjargne, deventant in curt la capitâl dal cumierç e de politiche de zone gjeografiche.
Dut al fo cuiet fintremai al 1323 cuant che un riviel de int indreçât a colpî cualchi siorat dal puest che al veve tacât a abusâ dai podês che al veve vût, al causà grandis tensions internis.
«Intant dal patriarcjât di Zuan di Moravie ai tancj privileçs si zontà la conferme dai antîcs Statuta communis e terræ Tulmetii e po il stes Patriarcje al regalà 113 marcjis di denârs par meti in sest il nestri cjistiel».
Jentrât te orbite di Vignesie dal 1420, Tumieç al fo fuarteçât de Serenissime.
Di chês struturis, vuê, a esistin dome la Puarte disot, cualchi mûr ca e là, magari assorbît des costruzions resintis, e la Tor Picote, logade in cime dal cuel che di adalt al parone la citadute: di là si gjolt un panorame magnific su dute la planure e su la valade dal Tiliment cul sboc te Val de Bût.
Ancje par chest, za dal XIII secul, Tumieç al jere un dai centris principâi de Cjargne, deventant in curt la capitâl dal cumierç e de politiche de zone gjeografiche.
Dut al fo cuiet fintremai al 1323 cuant che un riviel de int indreçât a colpî cualchi siorat dal puest che al veve tacât a abusâ dai podês che al veve vût, al causà grandis tensions internis.
«Intant dal patriarcjât di Zuan di Moravie ai tancj privileçs si zontà la conferme dai antîcs Statuta communis e terræ Tulmetii e po il stes Patriarcje al regalà 113 marcjis di denârs par meti in sest il nestri cjistiel».
Jentrât te orbite di Vignesie dal 1420, Tumieç al fo fuarteçât de Serenissime.
Di chês struturis, vuê, a esistin dome la Puarte disot, cualchi mûr ca e là, magari assorbît des costruzions resintis, e la Tor Picote, logade in cime dal cuel che di adalt al parone la citadute: di là si gjolt un panorame magnific su dute la planure e su la valade dal Tiliment cul sboc te Val de Bût.