Consorzio per la salvaguardia dei castelli storici del Friuli Venezia Giulia
Motore di ricerca
×

Fusee

Magari cussì no, ancje par chest sît archeologjic no sin sapontâts di nissune notizie storiche sigure su la nassite de fuartece o su la cjasade che li e à vivût intai secui. In dì di vuê si puedin viodi doi gjenars di rescj muraris: i prins a son viers il paîs di Fusee e si trate di tocs di muris che salacor a partignivin a une opare di difese difûr dal cjistiel vêr; chei altris rescj o podìn pardabon identificâju cun chei dal sît dulà che une volte al jere logât il cjistiel antîc che, par altri, si lu cjate ancje intun disen di Pontini dal 1900. Nissun nol sa dal sigûr ce fin che e vedi fate cheste opare imponente; si scrupule, fra lis altris robis, che e sedi coventade come gjave di pieris par oparis stradâls o pe costruzion dai borcs. Altris ricercjis plui insot a podaressin dâ une rispueste a cheste domande impuartante.