Sagrât

Daûr Miotti, la torate che vuê si viôt a Sagrât in localitât Fornâs, dongje dal sotpàs feroviari, no partignive al cjistiel antîc ma a un sisteme difensîf volût dai venezians cuintri lis scorizadis dai turcs. Nol è dubi, però, che la denominazion Cjistiel Vieri e rimonte a timps cetant plui antîcs, vadì ai langobarts, come che al lassarès intindi chel document dal secul XVI che al identifiche la localitât cul toponim Argis, dal antîc "arx" o, se si vûl, di "arimanie". Di fat Sagrât al jere, cun Fare e cun altris localitâts dongje Cormons, te liste dai dai puescj di difese prontâts dai Langobarts sui confins orientâi.