Miramâr

Miramâr des "bianche torri", come che e je memoreade dal Carducci, plui che un vêr cjistiel e je un esempli di residence di princips dal secul XIX, fie di chel stîl ecletic che al fo tant a part de storie de architeture dal secul passât.  Fat sù tal 1856 su progjet di Carlo Junker dal architet Antonio Hauser  par volontât dal arciduche Massimilian di Austrie, deventât daspò imperadôr dal Messic, e de sô femine Carlote, tal timp che l'Absburc al jere comandant suprem de Marine Imperiâl austrongjarese, al fo finît tal 1860. Par volontât dal so comissionadôr, il cjistiel si presente cetant influençât dal gust romantic di chê volte, tant che citazion rivisitade di une fuartece medievâl. L'arciduche al ste daûr di persone ae progjetazion sedi de residence che dal grant parc (plui di 22 etars), un zardin talian siôr di plantis raris, di sculturis, di sfueis e di laguts. Di valôr particolâr a son lis "salis di Massimilian", e jenfri chês la salute "Novara" che e copie il cuadrât de nâf indulà che l'arciduche al veve tacât la cariere di uficiâl di marine.