Udin
Il castrum Utini si lu cjate citât pe prime volte dal 983, cuant che al fo regalât dal imperadôr Oton II al patriarcje di Aquilee Rodoalt. Il cjistiel antîc, a partî dal Dusinte sît principâl dal patriarcje, po, dal 1420, dal lutignint venit, al consisteve intun turion proviodût di tor, insiorât tal XIII secul cu la costruzion di un palatium plui grant, glesie e cjampanili, dentri di une dople cente di mûrs cun dôs tors laterâls.
Un taramot lu vuastà une vore dal 1511 e l'an dopo lu cjapà un grant fûc; cussì dal 1517 l'architet Giovanni Fontana al ve l’incaric di progjetâ e tornâ a fâlu, marcant di plui la sô funzion di rapresentance. Cul colâ de republiche venite (1797), Napoleon al de la citât ai austriacs e il cjistiel al deventà sît di uficis, fuart militâr (Sant Blâs) e caserme. Cumò al è sît di un museu (Galarie di art antighe). Impuartant il salon dal Parlament furlan (te foto), cun afrescs di plui autôrs (tra chescj Grassi, Amalteu, Tiepolo) e un magnific sofit di len dorât e piturât.
Un taramot lu vuastà une vore dal 1511 e l'an dopo lu cjapà un grant fûc; cussì dal 1517 l'architet Giovanni Fontana al ve l’incaric di progjetâ e tornâ a fâlu, marcant di plui la sô funzion di rapresentance. Cul colâ de republiche venite (1797), Napoleon al de la citât ai austriacs e il cjistiel al deventà sît di uficis, fuart militâr (Sant Blâs) e caserme. Cumò al è sît di un museu (Galarie di art antighe). Impuartant il salon dal Parlament furlan (te foto), cun afrescs di plui autôrs (tra chescj Grassi, Amalteu, Tiepolo) e un magnific sofit di len dorât e piturât.
