Tresesin
Il paîs di Tresesin, tal non, al memoree un sît roman fat sù a 30 miis (Tricesimum o Tricensimum) di Aquilee, citât tal Itinerarium Antonini Augusti tal tierç secul d. di C. ma probabilmentri che al esisteve za di cualchi secul par controlâ la impuartante strade consolâr bande dal Noric.
Il cjistiel al è documentât tacant dal secul XIII, sot dai siôrs cul stes non; za ae fin dal secul, dut câs, al risulte di paronance direte dal patriarcje. Cul rivâ de republiche venite il fuart al fo sot di un cjapitani par passâ po sot di altris fameis. Dai siôrs di Montegnà, che lu tignivin di passe un secul, dal 1627 al passà ai nobii Valentinis, che a forin i parons fintremai al 1948, an che al fo vendût ae Azion Catoliche di Udin. Vie pai secui il cjistiel al fo comedât e slargjât; di segnalâ chei volûts dai Prampar e dai Montegnà, che a faserin fâ l'afresc di Pomponi Amalteu te capele, e massime chei fats tal Sîscent e tal secul passât dai Valentinis, che i derin al cjistiel la muse che al à ancje cumò.
Il cjistiel al è documentât tacant dal secul XIII, sot dai siôrs cul stes non; za ae fin dal secul, dut câs, al risulte di paronance direte dal patriarcje. Cul rivâ de republiche venite il fuart al fo sot di un cjapitani par passâ po sot di altris fameis. Dai siôrs di Montegnà, che lu tignivin di passe un secul, dal 1627 al passà ai nobii Valentinis, che a forin i parons fintremai al 1948, an che al fo vendût ae Azion Catoliche di Udin. Vie pai secui il cjistiel al fo comedât e slargjât; di segnalâ chei volûts dai Prampar e dai Montegnà, che a faserin fâ l'afresc di Pomponi Amalteu te capele, e massime chei fats tal Sîscent e tal secul passât dai Valentinis, che i derin al cjistiel la muse che al à ancje cumò.