Trus

Il cjistiel si lu cjate citât pe prime volte dal 1257 cuant che, bandonât di Gjislart di Frate, so siôr, par vie dai atacs di Mainart cont di Gurize, al fo brusât e tornât a fâ tal stes an. Dal 1279 i parons a son i siôrs di Spilimberc e dal 1364, intant de invasion dal Friûl di bande di Rodolf IV di Austrie, si memoree l'assedi dai Udinês. Dal 1385 tes presons dal cjistiel a forin metûts contadins acusât di vêsi armât cuintri dal patriarcje d'Alençon (1381-1387). I Ongjarês lu ocuparin dal 1431 intant de vuere cuintri Vignesie. Dal 1511 il sît al fo cjapât dentri de vuere tra i Imperiâi e la republiche venite e il cjistiel al fo distrut; sui siei rudinaçs a nasserin i edificis che a esistin ancjemò.
I Spilimberc a risultin siôrs di Trus fintremai al 1869. De part antighe a restin dôs tors metudis bande soreli a mont e il muraion; chês altris costruzions a son plui resintis.
Dopo agns di abandon al è stât ristruturât e doprât tant che locâl public.