Russiç

Dutis lis deduzions storichis su chest sît a vegnin de osservazion direte dai rescj dal mûr che si cjatin suntune culinute a Russiç Disore, vuê sede di une aziende agricule, stant che di chest lûc, tant che sît di une opare fortificade, no son notiziis avonde precisis. Miotti, su chest argoment, al motive che la presince di un puarton robust cun pilastris in piere te jentrade de spaltade disore, e fâs pensâ che il cuel al des acet a une cjase fuarte, daspò sdrumade e sostituide des abitazions che si viodin vuê.