Çucule
Il cjistiel di Çucule, fat sù su une des primis culinis a tramontan di Cividât, cun dute probabilitât su di un puest di osservazion dal tart antîc cun tor di vuardie, al fo aterât dal 1364 par ordin dal patriarcje Ludovì Torian, par contrastâ i siôrs di chel sît che a veve tramât cuintri di Cividât par cjapâle.
No si sa cuant che e fo fate la costruzion; si sa, dut câs, che za in ete langobarde, in chel sît al jere un fuart par difindi Forum Iulii. Dal secul XIII al jere dai siôrs omonims, di divignince stiriane, vassai dal patriarcje cul ufici di copîrs. A cjapavin il puest dai siôrs di Spilimberc daspò di vê imbastît une parintât cun lôr e vê ereditât dut il domini e lis armis dal 1293, cuant che Vualtîr Pertolt di Spilimberc al murì cence lassâ erêts e i siei bens a passarin a Zuan di Çucule, fi di done Flôr di Spilimberc e di Bernart di Çucule. Dal fuart a restin mûrs metûts in mostre cun sgjâfs resints.
No si sa cuant che e fo fate la costruzion; si sa, dut câs, che za in ete langobarde, in chel sît al jere un fuart par difindi Forum Iulii. Dal secul XIII al jere dai siôrs omonims, di divignince stiriane, vassai dal patriarcje cul ufici di copîrs. A cjapavin il puest dai siôrs di Spilimberc daspò di vê imbastît une parintât cun lôr e vê ereditât dut il domini e lis armis dal 1293, cuant che Vualtîr Pertolt di Spilimberc al murì cence lassâ erêts e i siei bens a passarin a Zuan di Çucule, fi di done Flôr di Spilimberc e di Bernart di Çucule. Dal fuart a restin mûrs metûts in mostre cun sgjâfs resints.