Gjestî ristorants
Il cjistiel al è simpri stât lûc di residence, oltri che di esercizi dal podê jurisdizionâl, aministratîf e militâr su teritoris plui o mancul slargjâts. Al à simpri dât acet aes fameis che a nt vevin il domini, insiemi cui lôr oms di armis, aes guarnigjons e al personâl di servizi. La funzion leade a la alimentazion di grups umans plui o mancul numerôs e je simpri stade presinte intal cjistiel.
Par chescj motîfs, une des ativitâts che si pues dâur acet plui naturalmentri intun cjistiel e je chê de ristorazion. In cetancj cjistiei de nestre regjon ma ancje in dute Europe si da acet a ristorants pal plui di alt nivel, che la lôr presince e à lis trê funzions di sei un element di atrat par cui che in cualchi misure al vûl svicinâsi a un cjistiel, di diversificâ e insiorâ la ufierte culturâl e turistiche dal monument, e infin chê di garantî al proprietari lis jentradis di redit che a coventin par mantignî il complès architetonic.
Par garantî une moltiplicazion dai efiets di atrat e di redit, al è il câs che la cualitât des furniduris, dal mangjâ, dai vins, dai servizis e sedi a nivei plui alts che si pues, e che il cjistiel nol sedi tignût tant che un cualsisedi contignidôr, ma che i siei mûrs e i siei elements funzionâi e decoratîfs a pandin il plui pussibil un ambient e une esperience storiche e culturâl che e je uniche e che alore fassis specifichis di consumadôrs le puedin preseâ in mût particolâr.
Se al è pussibil, al è miôr che il ristorant al sedi logât intune partignince dal cjistiel, sedi par ridusi al minim lis trasformazions che dut câs a puedin coventâ cuant che si met in pîts une ativitât dal gjenar (cusinis, magazens), sedi par rindi plui plasevule la viste dal cjistiel di une cierte distance.
Par vierzi e gjestî une ativitât come cheste, si à di lâ daûr des normis sui esercizis publics mandadis fûr de Regjon e des istruzions furnidis des associazions di categorie e dal Consorzi.
Pe azion di promozion dal Consorzi e par cualchi esperience di ativitât, si pues viodi la publicazion Ristoranti nei castelli, editade inte Golaine Itinerari castellani dal Consorzi.
Par chescj motîfs, une des ativitâts che si pues dâur acet plui naturalmentri intun cjistiel e je chê de ristorazion. In cetancj cjistiei de nestre regjon ma ancje in dute Europe si da acet a ristorants pal plui di alt nivel, che la lôr presince e à lis trê funzions di sei un element di atrat par cui che in cualchi misure al vûl svicinâsi a un cjistiel, di diversificâ e insiorâ la ufierte culturâl e turistiche dal monument, e infin chê di garantî al proprietari lis jentradis di redit che a coventin par mantignî il complès architetonic.
Par garantî une moltiplicazion dai efiets di atrat e di redit, al è il câs che la cualitât des furniduris, dal mangjâ, dai vins, dai servizis e sedi a nivei plui alts che si pues, e che il cjistiel nol sedi tignût tant che un cualsisedi contignidôr, ma che i siei mûrs e i siei elements funzionâi e decoratîfs a pandin il plui pussibil un ambient e une esperience storiche e culturâl che e je uniche e che alore fassis specifichis di consumadôrs le puedin preseâ in mût particolâr.
Se al è pussibil, al è miôr che il ristorant al sedi logât intune partignince dal cjistiel, sedi par ridusi al minim lis trasformazions che dut câs a puedin coventâ cuant che si met in pîts une ativitât dal gjenar (cusinis, magazens), sedi par rindi plui plasevule la viste dal cjistiel di une cierte distance.
Par vierzi e gjestî une ativitât come cheste, si à di lâ daûr des normis sui esercizis publics mandadis fûr de Regjon e des istruzions furnidis des associazions di categorie e dal Consorzi.
Pe azion di promozion dal Consorzi e par cualchi esperience di ativitât, si pues viodi la publicazion Ristoranti nei castelli, editade inte Golaine Itinerari castellani dal Consorzi.