Servizis di assistence ai proprietaris dai cjistiei

Il Consorzi al garantìs ai siei aderents un insiemit di servizis di assistence che si puedin descrivi cussì:

Assistence finanziarie

Conseis e assistence pe presentazion di domandis par contribûts o altris agjevolazions previodudis de legjislazion statâl e regjonâl; informazions su lis scjadincis, su lis modalitâts di presentazion des domandis e di redazion dai rindiconts.

Assistence tecniche

Conseis e indicazions pe redazion di progjets di manutenzion e restauri e pe soluzion dai delicâts problemis di intervent su edificis tant antîcs e diferenziâts tant che i cjistiei; indicazions su competencis tecnichis sui aspiets architetonics, struturâi, di paisaç e catasticâi; indicazions su impresis di costruzion e su artesans esperts in intervents su edificis antîcs.

Assistence legâl

Conseis e indicazions sui aspiets juridics de tutele e conservazion, come i vincui urbanistics e monumentâi, i regjims sucessoris e altris.

Assistence tributarie

Indicazions sul otigniment di agjevolazions tributariis in mert a lis impuestis diretis e a chês indiretis, declarazions dai redits e altris aspiets che a rivuardin i bens culturâi.

Assistence aministrative

Conseis e indicazions su cemût puartâ indevant pratichis aministrativis su la conservazion e massime su la utilizazion dai cjistiei cun finalitâts di valorizazion economiche: acet, modalitâts di ûs, e v.i.

Assistence storiche artistiche

Colaborazion, ricercjis e studis cul fin di redizi progjets di restauri o di prontâ materiâi informatîfs e promozionâi.

Assistence comunicative

Colaborazion grafiche e redazionâl par prontâ materiâi promozionâi pe valorizazion dai sengui cjistiei.

Par gjoldi di chescj servizis si puedin domandâ materiâi di assistence o fâ riferiment ai uficis dal Consorzi.