Gjestî ospitalitât

L’acet di ospits e je une des ativitâts che a semein plui justis par une valorizazion des struturis cjistielanis, pûr che no puarti a fuartis trasformazions dai ordins distributîfs e tecnologjics.

Lis ativitâts di acet che che si puedin meti in vore intun cjistiel a son in sostance di chest gjenar: 

• albiercs
• cjasis pes vacancis
• durmî e gulizion
• fitejets
• agriturisims

Lis destinazions a albierc no si consein, almancul che no rivuardin partignincis di scjars valôr formâl. Di fat, par jessi gjestît economichementri, l’albierc al domande divisions dai spazis internis e inseriments di implants tecnologjics che a puedin savoltâ la configurazion origjinarie dal cjistiel. A son in Italie e in Europe une vore di esemplis di trasformazion di cjistiei in albiercs che a puedin presentâ aspiets plasevui, ma che a àn puartât a fuartis trasformazions des carateristichis struturâls e a pesantis compromissions dai lôr valôrs culturâi.

Si consein ûs plui lizêrs che a compuartin che si doprin lis struturis che a son, dome cun cualchi lizêr justament di implants. Tal câs di cjistiel indotât di une sô aziende agricule, al pâr particolarmentri indicât l’ûs cun finalitâts agrituristichis, dulà che al dâ fûr aliments e bevandis produsudis pal plui inte aziende, si zonti il durmî par cualchi dì, il gjoldi un ambient naturâl e costruît di grande sugjestion, e i zîrs tai contors a cirî monuments, paisaçs, museus, prodots tipics.
In chei altris câs si metin a disposizion dai visitadôrs i spazis di abitazion dal cjistiel o des partignincis, garantint servizis di diviers nivei: di chei acessoris che a rivuardin la gjestion des stanziis (cjasis pes vacancis, fitejets), ae gulizion (durmî e gulizion).

Esperiencis di cheste nature a son di tant timp in vore massime tal forest, dulà che a son inviadis cjadenis di Albiercs intai Cjistiei: che si viodi la Associazion dai albiercs intai cjistiei austriacs, la Associazion dai albiercs intai cjistiei bavarês, la Associazion “Ospitalitât in cjistiel” (www.gastimschloss.de), lis Associazions francesis “Relais & Chateaux” e “Chateaux & Hotels de France”.

Par vierzi e gjestî chestis ativitâts, si à di lâ daûr des normis in materie mandadis fûr dal Stât e in particolâr de Regjon (L.R. 2/2002) e des istruzions furnidis des associazions di categorie e dal Consorzi.