Gjestî visitis
La forme di ûs economic che e rispiete di plui lis carateristichis storichis e architetonichis dal cjistiel e je chê di gjestî un program di visitis, vierzint i spazis plui sugjestîfs a visitadôrs sengui o in grup.
E je une ativitât che il Consorzi al prudele, parcè che e je chê che e permet formis di gjoldiment public dal cjistiel, e tal stes timp e garantìs lis miôr stradis par une sô conservazion, stant che no domande particolârs trasformazions dai spazis e des struturis e che anzit e sburte il proprietari a cjatâ lis miôr formis par doprâ i furniments esistents o par insiorâju e miorâju.
Par gjestî cun sucès ativitâts di cheste sorte al covente che i ambientaments dentri dal cjistiel e i spazis verts difûr a sedin cetant curâts, creant une imagjin di atenzion e di cure e tal stes timp ufrint al visitadôr une sugjestion particolâr sui mûts di vite di une volte, a furniments coerents cu lis struturis architetonichis, a rivocs ae storie dal cjistiel e des fameis che lu àn vût in domini. Al pâr une vore svantazôs pal visitadôr, che si spiete imagjins di vite de Ete di mieç o dal Rinassiment o ancje barochis, o dut câs di altris timps, rivâ in ambients spueâts, o mâl furnîts, o furnîts cun mobii modernis, cence riferiments ae storie dal cjistiel.
Stant che no simpri intal cjistiel si pues disponi des principâls fonts iconografichis documentariis e dai principâi elements su la storie dal cjistiel, de epoche e dal teritori che al fo fat sù, al è simpri ben che intun spazi des pertignincis si pronti une piçule mostre permanente de storie dal cjistiel, cun panei ilustratîfs, riproduzions di antîcs documents, presentazion di fonts iconografichis, descrizions de configurazion architetoniche e de evoluzion des struturis ediliziis, ilustrazion dal rûl dal cjistiel te sfere dai podês politics e eclesiastics che a paronavin sul teritori di partignince. Si racomande ancje di doprâ imprescj multimediâi.
Tal organizâ chês ativitâts di visite, di inserî tai programs organics che il Consorzi al gjestìs par prudelâ lis visitis dai cjistiei, il proprietari al à di lâ daûr des istruzions dal Consorzi e di rispietâ la legjislazion in materie, pal regjim fiscâl e pes normis di sigurece.
Pai programs dal Consorzi e par cualchi esperience di ativitât, si pues viodi la publicazion Visite esclusive ai castelli privati, editade inte Golaine Itinerari castellani dal Consorzi.
E je une ativitât che il Consorzi al prudele, parcè che e je chê che e permet formis di gjoldiment public dal cjistiel, e tal stes timp e garantìs lis miôr stradis par une sô conservazion, stant che no domande particolârs trasformazions dai spazis e des struturis e che anzit e sburte il proprietari a cjatâ lis miôr formis par doprâ i furniments esistents o par insiorâju e miorâju.
Par gjestî cun sucès ativitâts di cheste sorte al covente che i ambientaments dentri dal cjistiel e i spazis verts difûr a sedin cetant curâts, creant une imagjin di atenzion e di cure e tal stes timp ufrint al visitadôr une sugjestion particolâr sui mûts di vite di une volte, a furniments coerents cu lis struturis architetonichis, a rivocs ae storie dal cjistiel e des fameis che lu àn vût in domini. Al pâr une vore svantazôs pal visitadôr, che si spiete imagjins di vite de Ete di mieç o dal Rinassiment o ancje barochis, o dut câs di altris timps, rivâ in ambients spueâts, o mâl furnîts, o furnîts cun mobii modernis, cence riferiments ae storie dal cjistiel.
Stant che no simpri intal cjistiel si pues disponi des principâls fonts iconografichis documentariis e dai principâi elements su la storie dal cjistiel, de epoche e dal teritori che al fo fat sù, al è simpri ben che intun spazi des pertignincis si pronti une piçule mostre permanente de storie dal cjistiel, cun panei ilustratîfs, riproduzions di antîcs documents, presentazion di fonts iconografichis, descrizions de configurazion architetoniche e de evoluzion des struturis ediliziis, ilustrazion dal rûl dal cjistiel te sfere dai podês politics e eclesiastics che a paronavin sul teritori di partignince. Si racomande ancje di doprâ imprescj multimediâi.
Tal organizâ chês ativitâts di visite, di inserî tai programs organics che il Consorzi al gjestìs par prudelâ lis visitis dai cjistiei, il proprietari al à di lâ daûr des istruzions dal Consorzi e di rispietâ la legjislazion in materie, pal regjim fiscâl e pes normis di sigurece.
Pai programs dal Consorzi e par cualchi esperience di ativitât, si pues viodi la publicazion Visite esclusive ai castelli privati, editade inte Golaine Itinerari castellani dal Consorzi.