Gjestî cjanivis
Esperiencis europeanis fortunadis a àn mostrât cemût che produzions di vin prestigjosis a sedin un grum leadis ae imagjin e ae origjin dai cjistiei logâts tal mieç di impuartants teritoris cun particolâr valôr pe viticulture.
In cualchi regjon europeane i cjistiei e la viticulture cu lis sôs produzions di vin, a rapresentin dôs realtâts che no si puedin disseparâ. Te Ete di mieç, lis renditis signorîls che a vignivin de produzion e dal cumierç dal vin a àn permetût che in chei teritoris si podessin fâ sù e mantignî une vore di cjistiei. Finide la funzion di difese, lis ativitâts vitiviniculis a son stadis la fonde economiche de plui part dai cjistiei che a jerin in chês areis, e chê e pues jessi la funzion des aziendis agriculis che in Friûl a son ancjemò leadis a un cjistiel. A son ativitâts di prudelâ e di disvilupâ, tignint cont che il paron di un cjistiel al à un grant vantaç a pet di un cualsisedi viticultôr, parcè che al pues valorizâ une esperience storiche di sigure impuartance e une imagjin di storie, culture e cualitât che dome un cjistiel al pues ufrî.
Duncje, si à di prudelâ lis iniziativis destinadis a tornâ a convertî lis aziendis agriculis che ancjemò si poin a un cjistiel, o si àn di tornâ a meti adun ator dal cjistiel lis aziendis agriculis che lu caraterizavin, cun chê di disvilupâ o di creâ complès viticui che a nt valorizin dutis lis potenzialitâts e che a garantissin lis jentradis di redit che a coventin par mantignî il cjistiel. In definitive, si scuen tornâ a dâ dongje lis fondis economichis dal cjistiel, che tal setôr de vitiviniculture a àn la lôr espression plui naturâl e sclete.
Tal gjestî chês ativitâts, si à di stâ une vore atents ae cualitât des produzions, massime tignint cont des vîts autoctonis di plui grant presi, di mût di caraterizâ il miôr pussibil il sît. Il vin al è un prodot une vore leât a espressions culturâls: lis vîts, la zone di origjin, la lavorazion, la anade, la cjanive, a son elements di specificitât di valorizâ al massim, soredut se la produzion e je leade al cjistiel. La valorizazion des cualitâts dal lûc, insiemi cul paisaç simpri di grande valence, e cul complès architetonic indulà che e je la produzion, e rapresente un dai elements di sucès di iniziativis che a àn di cjatâ formis impuartantis di ûs e di promozion.
Pe azion di promozion dal Consorzi e par cualchi esperience di ativitât, si pues viodi la publicazion Cantine nei castelli, editade inte Golaine Itinerari castellani dal Consorzi.
In cualchi regjon europeane i cjistiei e la viticulture cu lis sôs produzions di vin, a rapresentin dôs realtâts che no si puedin disseparâ. Te Ete di mieç, lis renditis signorîls che a vignivin de produzion e dal cumierç dal vin a àn permetût che in chei teritoris si podessin fâ sù e mantignî une vore di cjistiei. Finide la funzion di difese, lis ativitâts vitiviniculis a son stadis la fonde economiche de plui part dai cjistiei che a jerin in chês areis, e chê e pues jessi la funzion des aziendis agriculis che in Friûl a son ancjemò leadis a un cjistiel. A son ativitâts di prudelâ e di disvilupâ, tignint cont che il paron di un cjistiel al à un grant vantaç a pet di un cualsisedi viticultôr, parcè che al pues valorizâ une esperience storiche di sigure impuartance e une imagjin di storie, culture e cualitât che dome un cjistiel al pues ufrî.
Duncje, si à di prudelâ lis iniziativis destinadis a tornâ a convertî lis aziendis agriculis che ancjemò si poin a un cjistiel, o si àn di tornâ a meti adun ator dal cjistiel lis aziendis agriculis che lu caraterizavin, cun chê di disvilupâ o di creâ complès viticui che a nt valorizin dutis lis potenzialitâts e che a garantissin lis jentradis di redit che a coventin par mantignî il cjistiel. In definitive, si scuen tornâ a dâ dongje lis fondis economichis dal cjistiel, che tal setôr de vitiviniculture a àn la lôr espression plui naturâl e sclete.
Tal gjestî chês ativitâts, si à di stâ une vore atents ae cualitât des produzions, massime tignint cont des vîts autoctonis di plui grant presi, di mût di caraterizâ il miôr pussibil il sît. Il vin al è un prodot une vore leât a espressions culturâls: lis vîts, la zone di origjin, la lavorazion, la anade, la cjanive, a son elements di specificitât di valorizâ al massim, soredut se la produzion e je leade al cjistiel. La valorizazion des cualitâts dal lûc, insiemi cul paisaç simpri di grande valence, e cul complès architetonic indulà che e je la produzion, e rapresente un dai elements di sucès di iniziativis che a àn di cjatâ formis impuartantis di ûs e di promozion.
Pe azion di promozion dal Consorzi e par cualchi esperience di ativitât, si pues viodi la publicazion Cantine nei castelli, editade inte Golaine Itinerari castellani dal Consorzi.