Gjestî cunvignis
Jenfri lis iniziativis di proponi a cui che al intint gjestî il cjistiel no dome tant che residence ma ancje par motivazions economichis, massime cul finâl di rigjavâ lis risorsis che a coventin par mantignîlu, chê che dal acet a cunvignis, seminaris e riunions e somee chê miôr, par cualchi reson fondamentâl.
Prin di dut si à di vê indiment che a son ativitâts che a àn simpri vût sede intal cjistiel. Intes sôs salis, a son stâts tai secui incuintris di ambassadis, riunions di vuere, stipulis di acuardis, negoziazions di aleancis, firmis di tratâts, permanencis di sovrans, sentadis judiziariis, consultazions fra membris dal Parlament de Patrie dal Friûl, concierts di musiche, spetacui teatrâi, esibizions di trovadôrs, e altris incuintris publics e privâts di svariade nature. Si à ancje di stimâ che lis ativitâts di cunvigne no previodin nissune trasformazion dai spazis o compromission des struturis, stant che a domandin une cuantitât minime di dotazions tecnologjichis. Infin, si à di rimarcâ cemût che il cjistiel al ufrissi un ambient di paisaç di grande sugjestion e trop che al sedi siôr di solecitazions culturâls, carateristichis chestis che lu rindin particolarmentri interessant e adat par dâ acet a cunvignis e riunions di nivel, o ben che a cjapin dentri sogjets di interès culturâi medis alts.
La ativitât le pues puartâ indenant in mût diret il proprietari, che in chel câs al varà di costituî une sô struture pe promozion e pe organizazion di cunvignis, o ben le puedin gjestî struturis specializadis che a viodaran di prontâ dut ce che al covente, doprant juste che in locazion lis salis dal cjistiel.
Tal câs di gjestion indirete, il proprietari al varà di fâ cognossi la sô ufierte di spazis aes Agjenziis di organizazion di cunvignis e ai Uficis di publichis relazions des impresis principâls e des istituzions publichis.
Par vierzi e gjestî une ativitât di cheste fate, si à di lâ daûr des normis in materie mandadis fûr dal Stât e de Regjon e des istruzions furnidis des associazions di categorie e dal Consorzi.
Pe azion di promozion dal Consorzi e par cualchi esperience di ativitât, si pues viodi la publicazion Sale nei castelli, editade inte Golaine Itinerari castellani dal Consorzi.
Prin di dut si à di vê indiment che a son ativitâts che a àn simpri vût sede intal cjistiel. Intes sôs salis, a son stâts tai secui incuintris di ambassadis, riunions di vuere, stipulis di acuardis, negoziazions di aleancis, firmis di tratâts, permanencis di sovrans, sentadis judiziariis, consultazions fra membris dal Parlament de Patrie dal Friûl, concierts di musiche, spetacui teatrâi, esibizions di trovadôrs, e altris incuintris publics e privâts di svariade nature. Si à ancje di stimâ che lis ativitâts di cunvigne no previodin nissune trasformazion dai spazis o compromission des struturis, stant che a domandin une cuantitât minime di dotazions tecnologjichis. Infin, si à di rimarcâ cemût che il cjistiel al ufrissi un ambient di paisaç di grande sugjestion e trop che al sedi siôr di solecitazions culturâls, carateristichis chestis che lu rindin particolarmentri interessant e adat par dâ acet a cunvignis e riunions di nivel, o ben che a cjapin dentri sogjets di interès culturâi medis alts.
La ativitât le pues puartâ indenant in mût diret il proprietari, che in chel câs al varà di costituî une sô struture pe promozion e pe organizazion di cunvignis, o ben le puedin gjestî struturis specializadis che a viodaran di prontâ dut ce che al covente, doprant juste che in locazion lis salis dal cjistiel.
Tal câs di gjestion indirete, il proprietari al varà di fâ cognossi la sô ufierte di spazis aes Agjenziis di organizazion di cunvignis e ai Uficis di publichis relazions des impresis principâls e des istituzions publichis.
Par vierzi e gjestî une ativitât di cheste fate, si à di lâ daûr des normis in materie mandadis fûr dal Stât e de Regjon e des istruzions furnidis des associazions di categorie e dal Consorzi.
Pe azion di promozion dal Consorzi e par cualchi esperience di ativitât, si pues viodi la publicazion Sale nei castelli, editade inte Golaine Itinerari castellani dal Consorzi.