Comprâ

Il miôr mût par garantî il recupar e la conservazion di un cjistiel, al è chel di cjatâ un apassionât o un amadôr che si ‘ndi incarghi, comprantlu o acuisintlu in diviers mûts di un paron che nol à l’interès, la motivazion o lis risorsis economichis par viodi de sô conservazion.

Une vore di cjistiei dal Friûl a son stâts ancje tai ultins timps salvâts di un destin di decjadence e di bandon che al someave di no podê sghindâ, in gracie di un passaç di proprietât intes mans di un sogjet che, pes motivazions plui svariadis, tant che il tornâ in Friûl di un periodi di emigrazion o di permanence tal forest, la discuvierte dal atrat di chei monuments, il desideri di inviâ une ativitât di valorizazion, o alc altri, al à decidût di cjapâsint cure.

Il Consorzi al propon a cui che al vûl cjatâ une gnove abitazion, che al intint lâ a stâ in areis di grande sugjestion ambientâl e di paisaç, che al vûl tornâ a peâ i siei leams cuntune tradizion storiche di grant rilêf, o che al vebi gust di instalâsi intun complès edilizi di fuarts significâts culturâi, o ancje dome, tal cjatâ une gnove residence, che al vueli contribuî a salvâ elements impuartants de nestre civiltât, di comprâ un cjistiel, une tor, une cjase o un palaç fortificât.

Indi rigjavarà dal sigûr problemis, ma ancje grandis sodisfazions tal disfidâ lis cundizions de storie e dal ambient par tornâ al Friûl segns impuartants de sô storie.

Il Consorzi al è a disposizion par ogni iniziative di assistence e di informazion.