Giardino di Zoppola

Pe tradizion la nassite dal parc si le dêf a un probarbe dai proprietaris atuâi, Francesco Pancera di Çopule, che dopo di jessisi laureât in medisine ae fin dal Votcent, al le a specializâsi te famose scuele di Berlin. Achì, dongje de cort imperiâl prussiane, visitant lis sedis imperiâls si inamorà di un zardin tant che al cirì di riprodusilu in miniature in tiere furlane.  Il zardin, che al è costruît in mût graciôs daûr di un criteri romantic, cuntun piçul puint che al scjavace un piçul ruiuç, al è fat di un tapêt di jerbe dulà che a son stadis plantadis  une vore di speciis locâls o frecuentis inte zone tant che tacs, peçs, cedris dal Liban e ciprès di palût (de famee des secuoiis). Fin a trente agns indaûr intal prât si viodevin piçui viâi e strops, impen cumò si è preferide une fisionomie plui naturâl.