Itineraris cjistielans tematics

Il Consorzi, in gracie dal so Servizi Visitis, al à prontât une schirie di Itineraris tematics, che a permetin ai interessâts o ai organizadôrs di visitis e escursions sedi di gjoldi di specifichis tipologjiis di ûs, sedi di preparâ itineraris su misure, che a zontin a svariadis tipologjiis fortificadis ancje formis specifichis di ûs e di valorizazion, tant che il museu, il zardin storic, la cjanive, il ristorant, la residence che si pues visitâ, e vie indenant.

Par cumò, a son stâts prontâts chescj Itineraris tematics:

• Visitis a cjistiei abitâts
• Zardins intai cjistiei
• Museus intai cjistiei
• Cjanivis intai cjistiei
• Ristorants intai cjistiei
• Salis intai cjistiei
• Manifestazions intai cjistiei
• Ospitalitât intai cjistiei

Par ognidun di chescj itineraris al è materiâl publicât dal Consorzi o di altris ents e ancje une liste des oportunitâts ufiertis.

Si pues domandâ al Consorzi une copie di chê documentazion, informazions e indicazions su lis modalitâts e sui coscj des visitis o dut câs par lâ tai cjistiei.