Consorzio per la salvaguardia dei castelli storici del Friuli Venezia Giulia
Motore di ricerca
×

Castello di Cordovado

Ancje te Vile Freschi Piccolomini si pues rimirâ la alternance dal zardin talian cul parc inglês, caraterizade però di une çoncjadure che si pues viodi inmò vuê.
Il zardin, di fat, al è dentri dal borc fortificât, separât par mieç di un fossâl dal parc che al fo svilupât fûr des muris. I prins intervents, fats par modificâ il spazi vert, a forin ordenâts di Carlo Sigismondo Freschi, che tai agns Vincj dal secul XIX al fasè sdrumâ i tocs di muris in face dal edifici par slargjâ viers la campagne il parc, tornât a modelâ daûr des influencis romantichis. A forin fats sù siet piçui cuei par movimentâ la superficie, biel che lis aghis dai fossâi a forin incanaladis tai roiâi.
In chest grant spazi a forin implantâts piçui salets o grups di speciis di cisis, sterps o arbui che si pues lâ a viodiju par mieç di un intreç di trois svilupâts liberementri, delimitâts di ca e di là di cisis regolârs. Fra lis diviersis varietâts vegjetâls si imparin sei par bielece che par antichitât: une magnolie (Magnolia grandiflora), un cedri (Cedrus deodora), une sofore dal Gjapon (Sophora japonica) e doi imponents olms (Ulmus campestre). Intun boscut si pues ancje viodi cualchi esemplâr di bos, une volte struture vegjetâl di un labirint di cisis aromai dut sparît. Te bande periferiche il parc al è separât dai terens dongje par mieç di une sfilze di arbui di fust alt.
Al è diviers invezit il stât di conservazion dal zardin talian metût ator de costruzion. Probabilmentri al à mantignût te sezion in face ae vile (zardin di onôr) la forme gjeometriche tradizionâl, ancje se cuviert nome di speciis arboriis; un larc cercli metût a pet dal ingrès principâl al è sierât di une serie di platins plantâts a dadis regolârs par cenglâ la aree: e je cheste la cavalarice, clamade cussì pal ûs origjinari che e jere destinade. La aree jenfri la vile e il parc e je doprade in part tant che curtîl e in part tant che prât, che il so acès al è introdusût di une piergule cuvierte di speciis rampeghinis, uniche permanence de sistemazion antighe de aree a zardin talian. Difarent al è stât il destin de bande daûr de costruzion, scompartide di strops gjeometrics a la taliane.

Castello di Cordovado

Via del Castello, 5
33073 Cordovado (PN)