Ristorante la Torre

Tal cjistiel di Spilimberc si pues rivâ cul servizi public di corieris che al partìs dai centris plui grancj.
Al è sigûr che il ristorant al è un dai plui biei e sugjestîfs de regjon, insuazât intune maniere pardabon speciâl: tal magnific Palaç Piturât, dentri dal cjistiel di Spilimberc. Ancje il dentri dal locâl no us discontentarà parcè che chi lis architeturis antighis a pandin lis gloriis dal passât e ca e là a saltin fûr de stabilidure nicjis di piere, parêts di modons e trâfs a viste che a fasaran  di biel  senari.
Chi ducj i detais a son curâts une vore, de preparazion de taule ae presentazion dai plats. La sielte dai vins a disposizion e je grande e la cusine, une vore fine, no lasse di bande revocs regjonâi. Cualchi esempli: tant che antipascj tortute di bacalà mantecât cui sparcs verts, sparcs blancs gratinâts cul ardiel e puzzone di Moene; tra i prins vuardi mantecât tes jerbis di vierte, ûf in rafiol cui sparcs; tra i seconts pet di raze cul narant e patatis sfracaiadis te lagrime di vueli, composizion di agnel e melanzanis; e tra i dolçs mousse di cjicolate blancje cun salsis di freulis e sformât cjalt di cjicolate cun salse di mentuce.