La Lanterna d'Oro

Par rivâ tal cjistiel di Gurize dai paîs dongje plui impuartants al è ancje un servizi public di corieris, di chei plui lontans si pues rivâ cul tren.
Chest locâl, une vore ospitâl, si lu cjate intal borc dal cjistiel di Gurize, tornât a fâ sù in buine part vie pal secul passât daspò che al veve patît dams grues intant de vuere. Il proprietari al pues svantâ une cusine fate in cjase e une conduzion di famee che di agns e puarte indenant il locâl cun sucès. Juste cualchi cerce des propuestis che o podês cjatâ: pancakes bavarês, tais di salam di cjase, presut di Praghe in croste di pan cjalt cun cren, vol-au-vent di macarons di coce cu la ceve, penutis ae dame blancje, scalopinis di trifule cun sgherlifs di patatis, cubul di polente cjalde cun scaie di Montâs. Il puest ideâl par cui che al vûl mangjâ ben e gjoldi, soredut vie pal Astât, di un biel panorame su la citât cuntune spese resonevule.