La taverna di Colloredo

Par rivâ tal cjistiel di Colorêt dai paîs dongje plui impuartants al è ancje un servizi public di corieris.
Chest ristorant, che bielzà di timp al gjolt di innomine internazionâl, al à la fortune di jessi logât tun puest pardabon incantesemât: ta chês che une volte a jerin lis seris pai narançs dal cjistiel di Colorêt, e la strade che us mene ta chescj lûcs us fasarà daurman maraveâ anticipant cheste senografie sugjestive. La cusine, che e va daûr des stagjons, e à chê di tornâ a interpretâ in maniere creative i profums e i savôrs dal teritori; la cjarte dai vins e je pardabon siore, compagn de cantine dal locâl, une des plui sioris de regjon. Par dâus un esempli framieç des tantis propuestis che, daûr dal periodi, o podarês cjatâ, us proponìn il menù di cerce: codis di gjambars cun rîs integrâl e creme di coce, pet di colomp rustît profumât cu la trifule nere, rafioi di articjoc cun calamaruts e creme di crostacis, lasagnins gratinâts di foncs cjargnei, carrè di agnel tal for in croste di osmarin cun tortin di patatis, sfuei cjalt di miluçs cun semifrêt ae canele.

Vie pal Astât o podarês gjoldi ancje dal zardin bielon e ben curât che al da su la cleve e su lis culinis dulintor.