Borgo Nuovo

Il Foladôr, clamât ancjemò cussì par memoreâ la sô funzion viere - chi si folave la ue - dopo diferentis destinazions al è stât restaurât di pôc. La sale (23x7x3) e je logade a plan tiere dal edifici, e à dôs jentradis, une direte di fûr e une indirete traviers altris ambients, dutis dôs cence scjalis. Dôs a son lis jessudis di sigurece a norme. Si pues scjaldâle cun stuis. La sale e à un paviment e mûrs di modons, sofit di len cun trâfs e lûs che a vegnin di ferâi. O segnalìn ancje la presince di un prin plan che dut câs si pues doprâ dome par une part. Il furniment, une vore sempliç, al è just par cenis, fiestis e convignis. Il numar dai puescj par sentâsi al è sù par jù di 120, la capience e je di 150 personis. La sale e à un taulin par relatôrs e si pues scurîle. Dongje a son i servizis, a norme, e un ambient di doprâ in câs diviers. Logât tal cjistiel di Strassolt, il Foladôr al è disposizion dut l’an.