Sala del castello di Spilimbergo

Tal cjistiel di Spilimberc si pues rivâ cul servizi public di corieris che al partìs dai centris plui grancj.
Se o volês cerçâ bogns vins dal lûc e di fûr, compagnâts di salâts e formadis, lait te enoteche La Torre Orientale, a doi pas dal cjistiel, là che invezit al è un dai plui biei ristorants dal Friûl, La Torre, che al à une cusine fine e une grande sielte di vins. Un altri locâl tipic tal borc al è il vieri Bachero, cognossût pal famôs bacalà. Par prenotâ lenti ator o podês sielzi l’albierc President.
A plan tiere de ale di Alvise a son lis Cantinis che a vegnin viertis par cunvignis, ativitâts culturâls e cenis. Si jentre dal curtîl dal cjistiel là che e je la jentrade grande; altris dôs jentradis a coleghin la sale cui servizis, riscjaldât come dut il rest, e cuntun ambient di servizi cul sofit cul volt a crosere e a cuestis une vore carateristic. Lis Cantinis, restauradis daspò dal taramot dal 1976, a son fatis di trê ambients (7x7x4; 4x6x4; 6x4.5x4) cul sofit di modon, nicjis pes lums tes parêts, furnîts con semplicitât cun mobii antîcs. Il numar dai puescj di sentâts al è sù par jù 70, la capience e rive a 100 personis. A àn il taulin pai relatôrs e si pues scurî l’ambient. La disponibilitât e je par dut l’an.