Castello Formentini

Il borc di Sant Florean al è logât tal confin a nord dal Cuei gurizan, tacât de Slovenie. Nol è tant grant ma al à struturis buinis di sodisfâ dutis lis bisugnis. Il cjistiel Formentini, centri dal abitât, al à un ristorant là che, par cerçâ la carateristiche cusine furlane e asburgjiche, si à di prenotâ, cun grups di almancul 12 personis. Dongje dal cjistiel al è il Golf Hotel nassût ristruturant une des cjasis vieris dal borc: gjestît de famee Formentini, al à 12 cjamaris doplis, 2 singulis e une suite. Il complès al à ancje un cjamp di golf, un di tenis e une pissine.
Dai centris dongje si rive cuntun servizi di corieris.
Il salon dal cjistiel (20x8x4) al è tal prin plan. Al à trê jentradis – dôs diretis e une indirete - servidis di scjalis. Il spazi al à il riscjaldament e une jessude di sigurece.
La sale e je une vore cjalde, il paviment al è di cuet, i trâfs a son a viste, un camin a paveon e cuadris vieris tes parêts, là che al risalte un arbul gjenealogjic de famee cjistielane.
E rive a tignî 140 puescj di sentâts, cuntune capience che e rive a 180 personis, cuntun taulin pai relatôrs e la disponibilitât a scurî l’ambient par proiezions. I servizis a àn il riscjaldament.
Cun di plui si segnale la presince de biblioteche dongje (6x7x4), cul riscjaldament e une tignince di 30 personis.
La struture e je simpri a disposizion.