Sala del castello di Panigai

Il complès al è logât intun ambient naturâl di grant atrat; al fo fat su la rive dal flum Silet che cu lis sôs aghis cuietis al cor cidin sul ôr dai arbui dal parc. Ancje se la localitât e à pocjis abitazions, al è un bar te plaçute denant dal cjistiel.
Par cui che al vûl cerçâ alc o segnalìn i ristorants Pranis a Vilote di Cjons e da Genny a Daçan. Simpri a Vilote al è l’albierc Roma. A Panigai si pues rivâ cul servizi public di corieris che al partìs dai centris plui grancj.
Il salon al è logât a plan tiere (13x5x3.8). Si trate di un ambient unic. Al à vot jentradis, sîs indiretis (traviers di altris ambients) e dôs diretis (di fûr, in face e daûr de vile), ognidun cun doi scjalins, a norme, che si puedin doprâ tant che jessudis di sigurece.
Al à un paviment in teraç a la veneziane e il sofit cun trâfs in mostre. Su lis parêts stabilidis a blanc, a son lampadis di len traforât e cualchi stampe; cuatri bancjis elegantis di len a cercenin la sale e une caroce piçule e fâs di fondâl.
La struture e rive a tignî 60 puescj di sentâts; la capience massime e je di 70 personis. Si à il taulin pai relatôrs e la pussibilitât si scurî la sale.
La disponibilitât e va di Mai a Setembar, par vie che l’ambient nol à il riscjaldament.
Dongje a son cuatri stanziis (5x5x3.8), dutis cul riscjaldament; ognune no ten plui di 20 personis