Palazzo Lantieri

Palaç Lantieri al è tal centri storic di Gurize e si pues rivâi cul servizi di corieris dai centris dongje, cul tren di chei plui lontans. Lenti ator o podarês cerçâ il vin dal Cuei te enoteche Barbablù o la cusine locâl dal ristorant Al Chiostro. Par pernotâ, la citât e à plui soluzions.
La ricjece e il calôr dai internis a morestin l’aspiet par difûr dal palaç, avonde sevêr.
La sale principâl (21x10x5), clamade "di bal", e à chestis carateristichis: logade tal prin plan de ale plui resinte dal edifici, si rivii cun dôs scjalinadis che a puartin te jentrade principâl; a son ancje altris trê jentradis indiretis, che le coleghin cui ambients dongje. Al è dut a norme. La sale, che par cumò no à riscjaldament, e je furnide cun mobii dal votcent, iluminade cun lampadis a mûr e e à il sofit e il paviment di len; tes parêts a son stampis dal Sietcent e dal Votcent.
La sale e ten 200 personis e si pues metile a scûr. I servizis a àn il riscjaldament e a son a norme.
Sîs tinei (7-10x8x5), furnîts benon, riscjaldâts a len e che a tegnin in medie 20 personis, le coronin di trê bandis. La disponibilitât e je par dut l’an, ma il moment ideâl al va di Avrîl a Otubar.