Castello e Borgo

Il cjistiel al è tal borc medievâl su la culine sore Gurize. Lenti ator a son doi ambients publics: La Taverna al museo, là che si puedin cerçâ i vins locâi e organizâ ghiringhei, e il famôs ristorant La Lanterna d’oro. Lant in citât si puedin cjatâ une vore di ristorants, altris enotechis e cualchi albierc. La citât e à une buine rêt di servizis di corieris e la ferovie.
La Sale dal Cont (24x8x5) e je tal prin plan. E à trê jentradis: dôs indiretis, traviers la Loze dai Stemis e lis scjalis principâls, e un diret pal sportel par paiâ la jentrade dal cjistiel.
L’ambient al à il riscjaldament a termoconvetôrs.
Il salon al à un furniment siôr (baûi, cassons, un sforcîr e une grande casse che e jere de famee Rucellai), pituris e un grant camin.
Il paviment al è di crep batût e il sofit al à trâfs decorâts. L’ambient al à 100 puescj; al à un taulin grant pai relatôrs e si pues scurî la sale. A plan tiere a son i servizis.
La sale e je a disposizion dut l’an.
Dongje a son doi ambients cence riscjaldament: la Loze dai Stemis (11x4x3) che e ten sù par jù 40 personis, cence riscjaldament, e la sale denant, (5x3x4) che no ten plui di 20 personis. Cun di plui, tal complès dal cjistiel, si segnalin altris salis sugjestivis, cualchidune furnide cun mobii origjinâi.