Sale del castello di Cassacco

Tal cjistiel di Cjassà si pues rivâ cul servizi public di corieris che al partìs dai centris plui grancj. Al è cualchi chilometri fûr Udin, là che si pues prenotâ, se no decidês di lâ intun biel agriturisim pôc lontan dal cjistiel, Le poce des stries, là che o podarês fermâsi ancje par cerçâ la cusine tipiche dal Friûl. Se invezit o sielzarês di cerçâ bon vin, di chenti e di fûr, o scugnîs passâ pal agriturisim "Mulino Ferrant".
Il cjistiel di Cjassà al rapresente pardabon la idee romantiche di cjistiel; tal prin plan dal turion si cjate la biele sale principâl (10x 8x3.50), là che si rive cun dôs jentradis servidis di scjalis. La sale e je luminose e e à une biele viste: il paviment e il sofit a son di len e su lis parêts si viodin parts di afrescs dal Sîscent, che a jerin in altris porzions dal edifici storic. La sale e à un taulin pai relatôrs, si pues ancje metile a scûr par cunvignis e e à riscjaldament; e rive a tignî sù par jù 100 personis. Ancje lis dipendencis a son riscjaldadis. Par finî o segnalìn la presince di doi ambients tacâts (7x8x3.80) che a rivin a tignî sù par jù 20 personis ognidun e che a àn riscjaldament. I parons le metin a disposizion il cjistiel dut l’an.