Mulino del castello

Il mulin al è da pît de culine là che a son i vanzums di doi cjistiei. Il piçul paîs che al à dentri l’edifici medievâl al à un bar e un ristorant: "la Casa Bianca". Pôcs chilometris prin di Atimis, a Reclûs, si puedin cerçâ i plats tipics tal ambient "La Baita".
Se si à bisugne di un albierc, un al è a Nimis, un altri al Pas di Mont di Crôs prin di rivâ in paîs. A Atimis si pues rivâ cul servizi public di corieris che al partìs dai centris plui grancj.
La sale (10x5.5x3.5) e je al prin plan dal mulin feudâl. Si rive par une jentrade sole, une scjale viere, antighe e di rive sù. La sale e je scjaldade cun stuis. Tratantsi di un mulin, l’ambient si impâr rustic, ma al à un ciert atrat; restaurât che al è pôc cun gust e cun grande professionalitât al inmaghe pal contrast cromatic fra il colôr scûr dal paviment di len e dai trâfs dal sofit e il clâr dai mûrs piturâts di cjalcine. La sale e à un furniment misurât, cun mobii antîcs e tes parêts a son nicjis pes lums.
Lis sentis a son 50, te sale a stan 70 personis. Si à la pussibilitât di scurî la sale. L’edifici al à ancje un plan tiere cun servizis scjaldâts (a norme). La disponibilitât e je par dut l’an.
Al plan tiere o segnalìn une salute (6x4x2.5) par 10 personis e une capience di 20 personis, e di un ambient piçul e intim di grant atrat, là che al risalte un vieri fogolâr che al scjalde ducj i doi spazis.