Sale del castello di Arcano

Il cjistiel di Darcjan al è tra i plui biei dal Friûl; si lu cjate intun ambient ancjemò no contaminât, che al revoche la nature arcadiche dal sît, testemoneance de vite feudâl e contadine di une volte. Il fin di mantignî cheste fisionomie al limite lis pussibilitâts di un program di ospitalitât moderne, ma al è il risultât di une sielte resonade a pro de conservazion. Chi e je logade une aziende agricule là che si produsin culturis biologjichis e la ue otignude cun chest procediment e ven lavorade te cjanive dal borc dongje dal cjistiel; si pues visitâle e fâ cercis su apontament. Il cjistiel a puedin visitâlu grups organizâts che prin a àn di contatâ il Servizi pes visitis dal Consorzi.
La Sale pai riceviments (14x8x4.5)  e je la plui grande tra chês dal cjistiel. E je al prin plan dal palatium, la residence dai parons, là che si rive passant par un ram di scjalis che e partìs dal curtîl o di altris ambients, simpri cun scjalis. A son dôs jentradis, une jessude di sigurece e le scjalde un grant camin insuazât di marmui preseâts. La sale e à il paviment e il sofit di len, un lampadari centrâl e un furniment di armis in aste e mobii antîcs, cuntune casse di fier. Doi ritrats dal Sîscent a fasin bielis lis parêts; un al è ricognossût tant che di Fulvio Griffoni.