Castello di San Floriano

Tal cjistiel di Sant Florean si pues rivâ cul servizi public di corieris che al partìs dai centris plui grancj.
Il Cjistiel, logât su di un cuel che al parone la valade, adun cul borc vieri, cumò al è part di un complès ben struturât che al fâs di contor al Golf Club che al à chi la sô sede. Il ristorant, logât tai salons de residence viere, al è viert dome pe fin de setemane daûr prenotazion e par un minim di dodis personis.
La cusine e je locâl, di stagjon e une vore curade. Cun di plui, se si prenote, o podarês partecipâ ae famose cene medievâl, organizade ogni tant e che e à chest menù: sopressade di cjâfs di cenglâr, formadi e civolis, mignestre zale imperiâl, cuesset di purcit, fertaie di jerbis, fasans a rost cu lis plumis, pan cun ue, dolçs di cridince e paste todescje in diferentis armis, zeis di pomis.