Torre di porta Aquileia

La torate di puarte Aquilee si cjate inte ultime cente di mûrs de citât di Udin, fate sù tra il secul XIV e il XV par protezi lis abitazions (a si ‘nt viôt une plante prospetiche su la tele assegnade a Luca Carlevarijs esponude inte Galarie dal Cjistiel).

Logade su la strade che e puartave a Aquilee e a Grau, e jere une des tredis puartis che a permetevin di jentrâ in citât, sîs di chestis a jerin vuardiadis di torats metudis par difindi lis jentradis principâls. Fate sù intal 1441, su la façade e puarte in plui dal steme de citât, ancje chel di un Savorgnan, che al jere stât incjariât de comunitât pe sô costruzion. In gracie di cheste incjarie i fo permetût di meti li il so blason.

Inte torate al è logât il Consorzi pe Tutele dai Cjistiei Storics dal Friûl-Vignesie Julie. Intal plan teren si cjate une rassegne des tipologjiis des fortificazions che a àn caraterizât il teritori locâl, ma ancje un exursus su lis struturis feudâls e de societât, carateristichis de basse Ete di Mieç fin che e je rivade la Republiche di Vignesie. Intal prin plan si cjate une biblioteche specialistiche su la architeture fortificade.