Museo Storico Militare

Il museu al è intitulât ae Brigade di Cavalarie “Pozzuolo del Friuli” e al è stât istituît intal 1987 dal ministeri de difese. Logât dongje de Puarte Cividât, al conserve cimelis che a mostrin la storie des guarnigjons che a son passadis pe Fuartece dal 1593 fin in dì di vuê. Dividûts par materie, i ogjets in esposizion nus permetin di cognossi lis fortificazions e lis lôr diviersis tipologjiis, lis machinis di vuere e la uniformologjie. Cheste sezion e je une vore interessante parcè che si pues scuvierzi la evoluzion des uniformis in gracie dai disens (che a vegnin de Biblioteche Vaticane e dal Museu Correr), des riproduzions in stofe o dai origjinâi de I e de II vuere mondiâl; dut cuntune oportune spiegazion didatiche. Dal museu si pues lâ indenant cuntun percors a pît suntune part des muris (pe esatece 1/9 di dutis lis muris) che nus da une idee complete de sistemazion des fortificazions di Palme svilupadis su lis trê liniis difensivis (dôs di Vignesie e une di Napoleon).