Giostra dei castelli

La manifestazion, che si fâs ogni an te penultime domenie di Setembar, e memoree lis impresis di un mitic cavalîr di Spilimberc. Tal 1499 i Turcs a vevin invadût il Friûl fiscant ducj i paîs che a cjatavin su la lôr strade; une gnot di fin Setembar chest cavalîr cun pôcs soldâts al rivà a lâ dentri tal lôr incjampament e al copà diviers nemîs. Cuant che i turcs si inacuarzerin dal atac vût vie pe gnot a cjaparin pôre e bandonarin il Friûl. Tal torneu, dulà che si disfidin uns vincj cavalîrs che a rivin di diviersis provinciis, dopo variis provis di abilitât si à di colpî il Turc. I vot miôr a passin ae finâl par vinci il torneu. Te aree parmìs dal cjamp di gare un marcjadut medievâl al ripropon arts e mistîrs, spetacui cun spadacins, mercenaris, arcîrs e salteimbancs e une sfilade in costum di epoche.