Palio delle catapulte

Tal Pali, organizât ogni an te prime domenie di Setembar, i rapresentants dal cjistiel disore e chei dal cjistiel disot si sfidin cu lis catapultis a torsion, antighis machinis di vuere dopradis par trai gruessis pieris, tornadis a fâ cu lis dimensions reâls. Cun di plui, te aree dongje dal cjamp di gare, si organizin duei dimostratîfs e garis di tîr cu la francische – une sorte di manarie un grum famose - e cu la balestre. Intant de edizion passade tal borc a àn tornât a fâ sù dal dut un incjampament di miliziis dal Dusinte che al à incuriosît une vore. Atrativis come  cheste a coronin ogni an chest event particolâr.