Rievocazione storica della Macia

La Mace e jere la antighe unitât di misure pe lungjece des stofis doprade a Spilimberc: lungje pôc mancul di 70 centimetris, si pues viodile inmò vuê incidude suntun pilastri de loze dal comun. La menorah - il cjandelîr ebraic cun siet braçs - che si cjate tal cuartin adalt, e rapresente l’acuardi jenfri i conts di Spilimberc e i ebreus de Tiere sul control dai cumierçs di piecis. Cussì, par rivocâ la atmosfere di chei secui lontans, ogni an ai 14, 15 e 16 di Avost si celebre la grande Rievocazion storiche de Mace cun nobii, soldâts, cavalîrs, borghês, artesans e int dal popul, ducj cui lôr confenons. Dilunc dal paîs figurants a tornin a proponi i mistîrs antîcs.
La manifestazion si siere cu la sfilade in onôr dai siôrs di Spilimberc.

Tal cjistiel di Spilimberc si rive dai centris maiôrs dongje in gracie dal servizi public di corieris. Intant dai dîs de manifestazion o podês cerçâ antîcs mangjâs preparâts di pueste lant daûr di ricetaris medievâi. Par cui che al à miôr provâ i savôrs di vuê restant simpri tal borc citadin, i conseìn la ostarie Da Afro, la tratorie Al caminetto o il ristorant La torre, pardabon biel. Cognossût pal famôs tocj di bacalà al è invezit il locâl Al bachero. Cui che al vûl cerçâ il vin locâl al pues lâ tes ostariis prontadis pe ocasion o te sugjestive enoteche Alla torre orientale.