Azienda Agricola Castello di Spessa

Il paisut là che si cjate il cjistiel al à dome un puest par mangjâ: il ristorant “la Tavernetta”, che al è da pît de culine là che al è il cjistiel.

Li dongje, a Caprive, e je cualchi ostarie, invezit altris ristorants si ju cjate a Cormons. Di Caprive si pues rivâ ae piçule frazion di Spesse prenotant une coriere.

Il cjistiel di Spesse, là che si cjate la aziende, al è poiât suntune culine dolce, tal mieç di un parc grandonon e framieç dai vignâi de proprietât che a ocupin une superficie di 30 etars, ducj te zone DOC dal Cuei. I vignâi, plantâts su tieris ponchis eocenichis sei grisis che zalitis, a àn une etât medie di 15 agns e a son tirâts sù cul sisteme de “capucine” o dopli ribaltât.

Il vin al ven lavorât in plui cantinis: chê par fâ il vin (là che si doprin vassei inox termoregolâts); Il cjistiel viodût di soreli jevât. La cantine pal invecjament gjavade fûr di un bunker militâr dai agns Trente Lis cantinis antighis sgjavadis fûr dal cret la cantine antighe dal cjistiel, cul paviment in cuet e cul sofit a volts in modons, là che si fasin bulî i vins in barrique; la cantine pal invecjament, gjavade fûr di un bunker militâr fat sù tor de metât dai agns Trente, logât sot dal curtîl denant dal cjistiel e cumò leât ae cantine antighe di une galarie che, lant jù par 70 scjalins, e à mudât il bunker tune cantine maraveose, uniche e inimitabile par rafinâ il vin.