Azienda Eugenio Collavini Viticoltori
Il paîs di Cuar di Rosacis nol è tant grant e al à dome cualchi ostarie; par svicinâsi aes specialitâts dal puest, si pues lâ alì dal ristorant “al Buco” logât in localitât Quattro Venti, dongje Dolegnan, o ben alì de “Subida” a Cormons, che al à ancje cualchi cjamare. Albiercs si pues cjatâju a Sant Zuan (“il Campiello”) o a Cividât. Par rivâ a Cuar di Rosacis al è ancje un servizi public di corieris.
I Collavini a son un pont di riferiment intal grant panorame de enologjie furlane. Cheste famee, clamade ae viticulture dal non e dal destin, e je vuê ae cuarte gjenerazion. Il prin a inviâ la ativitât, ancjemò tal 1896, al fo Eugenio; za di in chê volte i Collavini a àn simpri fat vin daûr di criteris rigorôs di cualitât e di tipicitât.
Tai agns Setante il cressi di cheste aziende al è segnât des viodudis inovativis, des intuizions induvinadis e de sgrimie di Manlio, che al è ancjemò vuê il paron. Al è un cambiament fuart e dinamic che al complete il sfuarç produtîf soredut tal setôr dal spumant; al nas cussì il Spumant Ribuele Zale, La torate nordocidentâl, cul carateristic “Erker”, e je l’element plui marcât di palaç Zucco che al salte fûr di une ricercje personâl e origjinâl che e puarte chest vin a nivei di elegance dificii di imitâ. Cun di plui, la muse de aziende si insiore cuant che al ven comprât chest palaç fortificât lezendari juste tal cûr plui leât ae viticulture dal Friûl, a Gramoian. In dì di vuê i innomenâts vins “Collavini” si ju cjate te ristorazion plui fine dal mont e tes enotechis miôr: simbul braurôs de culture, de tradizion e de indurance dal Friûl.Azienda Eugenio Collavini Viticoltori
Via della Ribolla Gialla, 233040 Corno di Rosazzo (UD)
Telefono: 0432 753222 Fax: 0432 759792
E-mail: collavini@collavini.it