Azienda Vinicola Arcania

La cjanive e je logade tal borc che si disvilupe dongje dal cjistiel, tun ambient culinâr maraveôs. Si pues durmî tai albiercs di Feagne e di Sant Denêl.
“Castello di Arcano Superiore” e je la marcje dai vins produsûts di Arcania S.r.l., une aziende nassude de volontât di cinc aziendis agriculis furlanis - che za di cualchi an a fasin viticulture biologjiche - di fâ il vin intune uniche cjanive moderne, logade a Darcjan Disore. I vins “Castello di Arcano Superiore” a vuelin rispuindi ae domande dai consumadôrs plui esigjents che a cirin un prodot di cualitâts organoletichis altis, ma ancje di salubritât certificade.
Cun chescj vins, che a saltin fûr dome des uis produsudis des cinc aziendis agriculis sociis cul sisteme de agriculture biologjiche, si à chê di cubiâ risultâts di cualitât alte cul plen rispiet dal ambient, sielzint, ancje intant de lavorazion dal vin, i intervents fisics (controlâ la temperadure, passâ, deponi a frêt) impen di chei chimics.
Ducj i vins “Castello di Arcano Superiore” a son certificâts dal I.M.C. (Istitût Mediterani di Certificazion), Organisim di Control ricognossût de leç.