Lis finalitâts

Lis finalitâts dal Consorzi a son chês de difese, conservazion e valorizazion dal patrimoni architetonic costituît di cjistiei e altris oparis fortificadis di interès storic.
I struments par rivâ a chês finalitâts a son diviers, ma ducj a converzin viers l’obietîf di trasmeti al futûr un patrimoni culturâl di valôr inestimabil.

I fins a son definîts dal articul 2 dal statût consorziâl, che cussì al riferìs: 

• slargjâ la cognossince dal patrimoni culturâl cjistielan;
• promovi la cognossince dai metodis e criteris plui rigorôs pal restauri e par tornâ a doprâ chest patrimoni;
• prudelâ l’acès al patrimoni cjistielan;
• assisti, conseâ e sensibilizâ i proprietaris intes operazions di conservazion, manutenzion e restauri dai cjistiei, e ancje tal tornâ a doprâju;
• promovi iniziativis concretis di valorizazion;
• riclamâ lis autoritâts competentis a aprovâ e a meti in vore i struments (imprescj) di jutori bogns par conservâ, recuperâ e tornâ a animâ intal interès de coletivitât i cjistiei, il paisaç dulintor e il complès dai bens culturâi che li a son custodîts;
• davuelzi in gjenerâl cualsisedi altre azion che e puedi tornâ util pal otigniment des finalitâts dal Consorzi.

Par chescj obietîfs, il Consorzi al preste la sô colaborazion a ogni Istituzion o Ent che al vedi fins di difese, recupar e valorizazion dal patrimoni culturâl de Regjon.